|
Rezumu konteúdu |
Filme "Ami nia Forsa, Ami nia Direitu" maka liafuan Komandante David Alex Daitula nian iha ninia Abrigu Ossoluga, loron 8/11/1991. Aldeia 5 iha área Kelikai, Samalari, fó-tulun maka'as ba Komandante Brigada-de-Xoke FALINTIL, David Alex Daitula, nia luta ne’ebé kontinua to’o loron ne’ebé nia mate iha 1998.
Hafoin independénsia, komunidade rasik buka meius hodi valoriza memória Komandante David Alex Daitula no sira-nia luta hamutuk. Komunidade harii muzeu ida iha ninia subar-fatin Ossoluga. Subar-fatin ne’e mak fatin iha-ne’ebé nia hasoru malu ho jornalista Max Stahl loron 8/11/1991. Tamba tuir sira, iha fatin ida-ne'e konsege harahun “cerco de silêncio” ne’ebé Indonézia uza hodi taka notísia kona-ba Timor-Leste nia luta iha rai liur durante tinan 16 nia laran.
Komunidade ne'e heteke imajen sira ne’ebé muda opiniaun iha rai liur ba dala dahuluk. Max Stahl hatudu ba sira imajen sira kona-ba Santa Cruz ne’ebé nia hasa’e wainhira nia fila ba Dili husi fatin ne'e, loron 10/11/1991. No mós imajen sira ho liafuan Komandante ninian, ne’ebé kontinua hanesan inspirasaun bo'ot ba sira iha tempu ukun rasik an ne’ebé nia nunka haree. |
|
Sekuénsia sira |
00:01- 00:37 Karreta estudante sira husi Indonézia, juventude sira la’o ain hodi ba tuir misa iha Igreja Motael, iha Dili. Demonstrasaun no Masakre Santa Cruz, 12/11/1991.
07:08-08:55 Natureza iha Samalari, Baukau. Populasaun sira la’o hela iha ai-laran husi Samalari, distritu Baukau ba to'o fatin Abrigu Komandante David Alex nian iha Ossoluga.
08:56-46:22 Júlio Sequeira koalia kona ba “Kaixa Inglaterra”, servisu halo Muzeu iha Samalari, Baucau.
Sr. Saturnino Belo, ne'ebé lori Max Stahl hasoru malu ho Komandante David Alex Daitula, iha loron 7/11/1991. Nia esplika kona ba "Kaixa Inglaterra", rede iha Frente Clandestina ne'ebé liga ba Komandante David Alex Daitula.
Entrevista ho Sr. Max Stahl no membru balun husi komunidade ne'ebé mak hatene istória “kaixa” ne’e. Imajen Komandante David Alex Daitula iha abrigu Samalari, Ossoluga. Eis-gerrilleiru no Adjuntu Polítiku, Alin Laek, ko’alia kona-ba Rezisténsia no servisu iha Klandestina.
Entrevista ho Sr. Marcal kona-ba lia-menon husi Komandante David Alex Daitula ba nia. Liu ema rihun rua, barak ne'ebé Veteranu sira ligadu ba Frente Klandestina no luta ba ukun rasik an mai asiste inaugurasaun ba Muzeu Salamari Ossuluga iha Samalari, Baukau. Fatin ne'ebé uluk izoladu agora nakonu ho Timór-oan sira ne'ebé mai husi nasaun nia distritu hotu hodi haree no valoriza luta ne'ebé sira hamutuk ho Komandante David Alex Daitula konsege hala’o. |
|
Nota sira |
MASTER UC ABERTURA TETUM JOANA 20180930
JOANA HADIAK ONA NO HATAMA TIHA ONA 20181008
|
|
Notes de roagem |
20180913 MANUELA KOPIA EXCEL tenki Hadiak MxS 20180930 |
| |
/ 120 
