|
Rezumu konteúdu |
Max Stahl, ho kámara ne’ebé nia uza atu filma Masakre Santa Cruz, partisipa hamutuk ho múziku portugés sira iha konsertu solidariedade “Timor Livre” iha Lisboa no ko’alia ho públiku. Konsertu ne’e transmite tiha liuhosi RTP Internasionál ba Timór-Leste no rai seluk iha mundu tomak hodi fó apoiu no hasa’e konxiénsia kona-ba Timor-Leste nia funu atu hetan independénsia.
Liafuan ruma husi Bispu Carlos Ximenes Belo iha Timor-Leste no Bispu Desmond Tutu husi Áfrika Súl ne’ebé hatete katak "Timór tenke livre".
Múziku portugés sira ho naran-boot hanesan Luís Represas, Rui Veloso no múziku sira-seluk partisipa iha konsertu ne’e. Sira kanta múzika ne’ebé ema barak koñese hanesan “Feiticeira”, “Maubere”, etc…
Xanana Gusmão nia liafuan sira ne’ebé grava ho hasai subsubar husi Prizaun Cipinang iha Jakarta sei hato’o mós iha konsertu ne’e. Maibé filme ne’e parte ida de’it husi konsertu no Xanana Gusmão sira-nia liafuan laós kompletu. |
/ 121 
