|
Rezumu konteúdu |
José Ramos-Horta hala’o kampaña ba Timor-Leste hori tinan 20 ona. Nia ema ne’ebé ko’alia maka’as no di’ak liu kona-ba Rezisténsia Timor-Leste nian iha mundu tomak. Iha tinan 1996, ema hotu hakfodak tanba nia manán Prémiu Nobel ba Dame. José Ramos-Horta nia rekursus limitadu tebes. Dala ruma, ninia maluk sira ne’ebé luta mós ba Timor-Leste nia ukun rasik an hasees husi nia. Maski nune’e, Reprezentante Espesiál líder gerrilla nian, Xanana Gusmão ne’ebé dadur hela, no Rezisténsia Timor-Leste nian, hala’o serbisu importante tebetebes atu mantein Timor-Leste nia direitu ba ukun rasik an iha Nasoins Unidas nia ajenda. José Ramos-Horta konsege ida-ne’e, maski nia hasoru presaun maka’as husi “polítika realidade nian” [Realpolitik] no tátika forsa okupasaun Indonézia nian ne’ebé hatete katak buat hotu ne’ebé Ramos-Horta konta la loos. Indonézia maka nasaun musulmanu boot hotu iha mundu tomak no nakonu ho rikusoin ne’ebé importante ba rai barabarak iha parte loromonu no lorosa’e mundu nian. Prémiu Nobel ba Dame ne’ebé José Ramos-Horta simu tiha hamutuk ho Bispu Belo sai estímulu importante ba rezistente sira-nia aten-barani no ba lejitimidade direitu Timor-Leste nian atu ukun rasik an. Indonézia nunka rekupera fali husi akontesimentu ida-ne’e. |
/ 121 
