|
Rezumu konteúdu |
Komandu Gerrilla nian uza rede ida subar-fatin sira iha foho Wasa-Diga, besik Loihuno, iha rejiaun Osuu distritu Vikeke nian durante tinan barak iha tempu funu nian. Rede ne’e maka “baze móvel” (baze ba gerrilleiru sira atu bá-mai). Filme ne’e uza arkivu istóriku husi tempu funu nian, ema nia memória orál no explikasaun ne’ebé simu husi Veteranu sira ne’ebé luta iha-ne’e atu konta istória kona-ba “baze móvel” ida ne’ebé gerrilleiru sira hanaran "Alarme". Filme esplika baze nia knaar; oinsá ninia seguransa; ema sira-nia serbisu; buat hotu ne’ebé gerrilleiru konsege halo; difikuldade sira ne’ebé gerrilleiru sira hasoru loroloron; oinsá gerrilleiru sira luta no moris nafatin iha “inimigu nia kabun” no buka bee no hahán iha ai-laran.
Ema ne’ebé uza baze ne’e inklui Taur Matan Ruak, Komandante-Xefe FALINTIL nian no líder Rezisténsia nian iha parte ikus dékada 1990 nian; Komandante Falur Rate Laek, ema karizmátiku ne’ebé lori soldadu Timór-oan sira hamutuk na’in 87 ne’ebé serbisu iha Ezérsitu Indonézia nian atu tama gerrilla iha 1983 no tuirfalimai sai Jenerál iha Ezérsitu Timor-Leste independente nian; no Komandante Lu-Olu, tuirfalimai Prezidente RDTL nian. Gerrilleiru barak seluk-tan uza mós baze sira-ne’e.
|
/ 121 
