|
Rezumu konteúdu |
Andre Soares, naran kódigo “Pombo” ninia familia buka hela durante tinan 19 ba sira nia oan nebe’e lakon 12 Novembru. Indonesia soe ninia mate ruin iha rai kuak nebe’e la tau naran.
Iha tinan 2009, Mediku Forensic specialista mai husi VIFM (Victoria School of Forensic Medecine) Australia hamutuk ho specialista hosi Argentina. Durante 2009-10 halo investigasaun mate ruin hetan iha fatin 19 ne'ebé ke'e iha rate Hera nia sorin, naran la iha.
Kompara ho ADN ne’ebé sira hetan husi familia ne’ebé lakon ema iha loron 12 fulan Novembru tinan 1991 no fo informasaun ba Komité Santa Cruz. Komité nia lista naran lakon ne’ebé konfirma liu hosi familia no kolega ne’ebé akompanha durante demonstrasaun mak 65, ho 5 tan ne’ebé investigasaun kontinua hela. Grupu Forensic sira konsege identifika ema nain 11. La konsege identifika ruin tan 7 ne’ebé ke'e hamutuk. No fatin kuak ida ne'ebé ke'e hetan manta deit. Joven Nova Zelandia ne’ebé mate iha loron 12 fulan Novembru ke'e semana rua tuir massakre hodi entrega ba familia iha Jakarta.
Iha 2012 familia halo seremonia bo'ot no ke'e Andre nia mate ruin iha rate ho monumento iha sira nia uma iha Bemori, Dili nia oin. Familia no vizinho no kolega liu rihun ida tuir. |
