|
Rezumu konteúdu |
Dokumentáriu kona-ba ema nia moris iha Timor-Leste iha tempu okupasaun indonézia nia laran no mós kona-ba violénsia milísia sira durante referendu independénsia nian. Dokumentáriu ne’e mós kona-ba istória Felice nian, autór dokumentáriu nia belun. Felice moris iha tinan 1974 no fó an ba FRETILIN. Nia sai estafeta ba Rezisténsia no estuda medisina iha Yogyakarta. Nia fila mai hodi tulun iha prosesu referendu nian. Hafoin violénsia ne’ebé mosu iha 30 fulan-Agostu 1999, ema buka maibé la hetan nia to’o oras ne’e.
Dokumentáriu ne’e inklui komentáriu sira husi ema na’in rua (ne’ebé la fó sira-nia naran) ne’ebé defende ka kontra autonomia. Inklui mós komentáriu sira husi Dr. Marianne Semmel, José Mau (APODETI), Manuel Carrascalão, Xanana Gusmão, Amu Karim (Karl Albrecht), Madre Anne Forbes, Jenerál Wiranto, Madre Lourdes, José Fernandes no Gregory (CNRT).
Dokumentáriu ne’e konta ho lia-alemaun, lejenda ho lia-inglés. |
