|
Rezumu konteúdu |
Rezumu
Joanna Wilson (Reinu Unidu) Andrea Needham (Reinu Unidu), Lotta Kronlid (Suésia) tama barreira-seguransa iha fábrika British Aerospace nian iha Warton, Lancashire. Sira simu apoiu husi elementu dahaat maka Angela Zelter (Estadus Unidus) ne’ebé hein iha liur. Feto na’in 4 ne’e hein julgamentu ba fulan 6 iha prizaun (haree livru husi Andrea Needham “The Hammer Blow” [Martelu nia Bakun], 2017).
Iha tribunál ativista sira hetan akuzasaun katak “violasaun propriedade privadu” no “halo aat ho motivu kriminozu" ho valór millaun 2 libra esterlina sira (millaun 3 million USD). Ativista sira hatán katak sira-nia hahalok atu estraga aviaun ne’ebé prontu atu entrega ba Forsa Aérea Indonézia nian loron 29 fulan Janeiru 1996 sai devér ida atu prevene krime, tanba aviaun ne’e sei uza atu “oho” ema iha Timor-Leste. Tanba ne’e, ativista sira explika katak sira-nia hahalok hanesan detensaun ne’ebé sidadaun baibain halo (“citizen’s arrest”) ne’ebé legál tuir lei: "Sidadaun ida bele uza forsa ne’ebé razoavel hodi prevene krime ida …". Juri tribunál nian la konsege foti desizaun. Ida-ne’e sai vitória dahuluk iha istória ativismu ba dame.
Ho Detalle
Joanna Wilson, ativista husi movimentu Ploughshares (grupu Seeds of Hope [Fini ba Esperansa]. Nia serbisu hamutuk ho feto na’in tolu. Nia tama fábrica British Aerospace nian iha Warton, Lancashire, loron 29 fulan Janeiru, 1996 kalan. Nia uza martelu ida atu estraga no “dezarma” aviaun militár Hawk ida ne’ebé prontu atu entrega ba Indonézia. Joana ho feto na’in tolu seluk hetan akuzasaun husi autoridade sira no hela fulan neen iha prizaun.
Iha tribunál Liverpool nian, sira defende an. Sira hetan desizaun la iha sala ka kulpa. Desizaun ne’e sai desizaun dahuluk iha istória ativista sira ne’ebé hasoru komérsiu internasionál kilat sira-nian.
Entrevista ne’e halo tiha durante nia vizita ba ninia belun no akuzadu iha prosesu hanesan, Lotta Kronlid, liutiha nia libertasaun. Joanna explika nia motivu no argumentu sira ne’ebé uza atu konvense juri tribunál nian. Nia hatete katak desizaun Governu Reinu Unidu nian hodi fó-lisensa ba BAC atu fa’an aviaun Hawk hanesan situasaun empreza Alemaña nian IG Farben ne’ebé fa’an gás Zyklon B no hetan kondenasaun relasiona ho jenosídiu ema judeu nian iha Julgamentu Nuremberga hafoin Funu Mundiál Daruak.
Sira hatete katak feto na’in haat sira-nia hahalok hanesan sira-nia devér nuudar sidadaun atu uza forsa ne’ebé razoável hodi hapara krime ida ne’ebé besik ona bainhira autoridade sira lakohi ka labela halo buat ruma. Sira-nia absolvisaun sai hanesan “cause célèbre” [kazu ne’ebé ema hotu hatene] ba advogadu no jornalista sira iha mundu tomak no fabrikante kilat hotu hakfodak no ta’uk. Joanna hein katak liutiha manán istóriku ne’e ba ativista ba dame sei iha susesu sira-seluk.
-Iha Londres, entrevista ho Liem Soei Liong, ativista husi Indonézia, membru husi organizasau direitus umanus nian TAPOL. Nia hatete katak luta Rezisténsia nian iha Timor-Leste sai ezemplu no inspirasaun ba movimentu ba demokrasia iha Indonézia.
|
