|
Rezumu konteúdu |
Entrevista iha Londres ho Liem Soei Liong, ema indonéziu, ativista, membru importante husi organizasaun TAPOL, organizasaun direitus umanus ida ne’ebé hela iha Londres. TAPOL nia líder maka Carmel Budiardjo, feto britániku ida ne’ebé uluk ema dadur-polítiku iha Indonézia. Liem hatete katak Rezisténsia Timorense nia luta sai ezemplu no inspirasaun ba movimentu pró-demokrasia iha Indonézia. Liem, ema indonéziu ne’ebé eziladu no ativista pró-demokrasia, serbisu iha Amsterdaun no Londres. Nia hatete mós katak hafoin autoridade Indonézia sira kaer Xanana Gusmão iha Cipinang, Jakarta, nia sai líder ida ne’ebé grupu pró-demokrasia barak no grupu barak ne’ebé defende direitu oioin respeita duni. |
