|
Rezumu konteúdu |
Iha lideransa Komandante Nino Konis Santana nia okos, membru sira Klandestina nian prepara rede ida abrigu sira iha uma sira-nia okos iha distritu Ermera nian. Komandante Nino Konis Santana uza abrigu sira-ne’e nu’udar kuartél-jenerál móvel ba ninia lideransa Rezisténsia Nasionál no FALINTIL iha Timor-Leste (1993-98). Abrigu rua iha rai okos prepara no subar tiha iha uma ne’e nia okos. Abrigu ida ho kapasidade ba ema na’in 10 to’o 15 no materiál gerrilla nian.
Parte Rua (45 min.): Sarani sira Ermera nian selebra misa iha liur, iha kreda nia kotuk. Símbolu sira husi sira-nia fiar haleno karakterístika úniku kristianizmu nian iha Timor-Leste. Ida-ne’e obra Amu Domingos Soares “Maubere” nian, amu ne’ebé selebra misa no ema hatene nu’udar ativista durante funu independénsia. “Liman-fuan” tolu, nu’udar símbolu fiar tradisionál bei’ala sira-nian, parese tane púlpitu ne’ebé sarani uza ba leitura Bíblia no estátua iha Krús nia okos. Amu Domingos Soares “Maubere” hatete katak lisan, nu’udar lei tradisionál bei’ala sira-nian, hanesan Antigu Testamentu Timór-oan sira-nian: “Lisan hanesan hun ba viajen espirituál Timór-oan sira to’o fiar kristaun. Relasaun entre realidade rua-ne’e laós relasaun entre realidade kontráriu maibé entre realidade ne’ebé kompleta malu”.
|
